خايفة
خايفه عيونى تلاقى عيونك
تكشف سر الريده البينا
وتعرف كيفن انا مجنونك
لما الاقيك دايما بهرب
كلى حنين كاتلانى شجونك
وعزة نفسى المانعة وصالى
معاها احترت وانا مفتونك
بتمنى يزول الحاجز البينا
وقلبى اكيد ح يكون ممنونك
حاسه بحيرتك وقلة حيلتك
مرات تقسى تدارى عيونك
وتسوقك لهفه ريد من تانى
تكذب شكك وكل ظنونك
ويظهر فيها العشم الباين
انه عيونى تلاقى عيونك
وتكشف سر الريده البينا
وتعرف كيفن انا مجنونك
